酵素減肥大揭秘！揀啱減肥產品免中伏

市面上好興酵素減肥，究竟實質Work唔Work？有啲人喺網上亂噏，話屙清宿便就啱架喇，頭幾日屙水都正常㗎，清宿便先減到肥！我真係睇唔過眼，瀉唔代表減到肥架！我以前都中過唔少伏，試完溶腩酵素屙到勁辛苦，但肚腩都一樣咁大無瘦過。

市面上嘅減肥酵素好多仲會加埋益生菌、纖維等，等你排毒更順暢，瀉曬啲宿便同水出黎。但其實一次過瀉咁多，條腸會好傷，而且咁樣都只係減重，唔會減到脂肪架！

好多減肥酵素話可以幫你分解脂肪，唔好以為係講緊你肚腩bye bye肉嗰啲脂肪喎，其實係分解食物入面嘅脂肪，拆細佢令身體易啲吸收，姐係話你吸收脂肪嘅能力會好左，咁咪更易肥囉！

如果你有便秘或者消化不良，都不妨試試，但拎黎減肥就成效成疑喇！

若果可以食一兩次就幫你減幾磅嘅減肥產品，多數都唔健康，節食加做運動減肥都要一段日子先見效啦！真係健康嘅減肥產品，預左要最少一星期先見效啦。仲有啊，如果試完有不良反應嘅減肥產品就唔好繼續喇！瀉啊、削胃、感覺寒涼，都係唔好嘅身體反應，話比你聽你嘅體質可能受唔住。

買減肥產品黎食，其實都係想減到肥又唔傷身姐，除左中過酵素伏之外，我都試過一D唔傷身嘅產品。

試過Nu Skin嘅TR90，成個療程要食90日，嗰90日入面要跟佢嘅Guideline食嘢同做運動，佢就話可以消脂同時增肌。90日之後我瘦左八磅，但係都唔肯定係因為做運動定食TR90，不過整個期間都覺得幾健康嘅，對減肥都有效，但就覺得唔值萬幾蚊咁貴囉。

Fancl Dynamic Fat Burner我都有飲過，貪佢有日本認證好穩陣咁，細細樽帶出街飲都幾方便。平時用黎去水腫都有D用架，但就唔係好feel到佢burn fat咁誇張囉。三百蚊左右得十支，都唔算平，所以我都係嚴重水腫嗰時當急救用。

講平同方便，我覺得養生茶包都OK。試過幾隻唔同牌子嘅消脂祛濕茶，有D味道真係麻麻，藥材味怪怪地，未飲到見成效就放棄左。Overall試左咁多隻係Tea sixty嘅Detox tea最好，個味似玄米茶咁，上晝飲都唔覺得削。估唔到百六蚊一盒飲十日都有啲見效，頭嗰一個禮拜去水腫好明顯，要減肥就要飲兩三個禮拜，不過係茶包，要帶出街就要喺屋企沖定，或者office用熱水沖先飲得囉。

其實不論平定貴，都有安全同健康嘅選擇，凡係食落肚嘅野，買之前要認真研究係常識架啦，放落口嘅野點可以咁隨便呢！麻煩啲網上紅人真係自己試過對身體無副作用先好介紹啦，明明屙到腳軟就唔好介紹比人啦！

Nu Skin TR90 https://www.nuskin.com/content/nuskin/zh_HK/products/pharmanex/ageloc/ageLOC_TR90_HK/04001297.html Fancl 全效燒脂飲料Dynamic Fat Burner

http://www.fancl-hk.com/product_category.asp?parent_id=58&category_id=64&l1=營養補充品&l2=健康%E3%80%80燒脂排毒 Tea Sixty Detox Tea 排毒祛濕茶  

www.teasixty.com/product/detoxtea